Ch'Terril

- Dis p'pa? Quo qu'ché d'cha un terri?
- Un terri, li répond ch'père, un terri ché un mont d'terre et ch'ti qu'iest d'sous iest bin r'couvert!
Comme t'es vo, ché eun tiote montane, des fos all'est noirt, des fos grise, des fos rouch. Cha dépind'd'ou ché'qu'in treuv.
- Et quo qu'in treuv la ind'dins?
- Assurémint des cailloux, tout sort ed cailloux, des shists, des cueurelles principal'mint. Des cueurelles ché des grés, in'n'a des grise et des bleusses. In'n'a des bonnes pour y percher des tros pour fair'sauter al dynamit.
Un terri qu'y a bin garsi, i d'vient rouch! In y treuv aussi du carbon qui a été ballé, mélingé aveucque ch'es terres. Ché pour cha qu'un terri au bout d'in momint i prind fu! L'carbon i s'écauff pi cha finque. Ché dingereux, les gazs y sont mécants, in peut in mourrir. Ché arrivé eun fos qu'ech terri i a explosé!!
Cha été eun catastophe. Ia des gins qui z'ont arrété d'viv et qui sont morts!.
Mais in treuv aussi su terri des morciaux d'parpaings, des copons d'briqu'et mëm'del ferral! Ché qu'au fond in machonne et in r'monte tous chés déchets. Ché pas tout, i a aussi des ab's, des ab's à pommes, des ab's à pronnes, des fleurs plutot rare, des orquidées! In bas, si ia del l'ieau, in vot des garnoulles. Plus haut des lapins y font des tros.Chés la qu'ches liefs y vient'nt à l'intrain'mint. I parait mêm qu'eun fos in a vu in dahut!
- In dahut p'pa, quo qu'ché qu'cha?
- Ché eun' biet à cornes, pas comme el'zaut's, all a deux patt's pu longu's d'in coté, comme cha all peut s'promaner su ch'terro.
- Eh bin min pèr, té n'en a bin appris jord'hui! Jaros jamais pinsé qu'i'avo tout cha su terri!!